للشاعر سعيد الغامدي رداً على من سأله عن أصله إستهزاءا !! فأجابه بهذه القصيدة

 الذي تسأل سؤالك عرفنا وش وراه  =  كيف تسأل وأنت تعرف بأني غامدي

لا تجاهلني ترى الجهل ينتابك عماه  =  جهلك أعمى خطوتك لا تكدر موردي

مسلمين ونعبد الله في عالي سماه  =  وبمحمد سيد الخلق دايم نقتدي

صرحنا بالعلم عامر ونتعهد بناه =  وبسلاح العلم نقدر نزور الفرقدي

إن تواضعنا مشينا على الرمضاء حفاه  =  وإن ترفعنا نطاول مدارات الجدي

وإن تكلمنا نقل ما نطقناه الرواه  =  وإن سكتنا صار فرصه لهقوات الردي

وإن وردنا العد نشرب صفاه وعذب ماه  =  ما تعودنا الظما بالزمان الجرهدي

بالسيوف الحدب راع الخطا نشقر عصاه  =  وإن بلينا بالرزيه نرد المعتدي

ضيفنا في ليلة العسر ما نعدم قراه  =  ما يروح إلا وكفه بفضل الله ندي

نكثر الترحيب بالطيب ونزهب عشاه  =  والكرم فينا سجيه وطبعٍ سرمدي

جدنا غامد بنى العز والمجد أشتراه  =  شيد التاريخ بالمجد والحاضر مدي

ذاك طبع الغامدي ما يخيب من نصاه  =  صاحب الحاجه إلى جاه يعدي له عدي

لين يقضي حاجته لو تسبب في عناه  =  ما يؤجل حاجته لاجل يقضيها غدي

مالنا من فضل ربي في الدنيا عداه  =  ما نكمل واجب إلا بغيره نبتدي

الغشيم اللي سالني تبدا لي غباه  =  أتضح إنه تخلى عن العالم القدي

كيف يسال من عرف مبتداه ومنتهاه  =  بصمة التاريخ توقف معاه وتشهدي

إن قدر الغامدي ما حدٍ يعرف مداه  =  غير متمرس بتاريخنا المتفردي

والله إني ما أنتقص حق غيري أو رضاه  =  لكن أحببت الإجابه بما خطت يدي

أحترم كل البشر وأتصدا للوشاه  =  وأفتخر باصلي وفصلي وإني غامدي

من سألني جاه علمي ولا يلقى سواه  =  يمكن إنه يوم يقرأ الإجابه يهتدي

 . 

نشكر الشاعر الذي أجاد هذه القصيدة ، وهو أحد كتاب منتدى مجالس الصقور